ألف تحية لفلسطين  بقلم  محسن يوسف

حملتو بحرم الأقصى حجارة
بغزة تصديتوا للغارة
والقدس فيكم أسوارا
محمية ليوم الدين

الكلمة ما عادت بتكفِّي
تنصف رام الله والضَّفة
الأمة بكفة وإنتو بكفة
طلعتوا إنتو المنتصرين

تحملتو عنها الاوجاع
الحق بهمتكم ما ضاع
لاويتو للظلم ذراع
وعليتو فينا الجبينْ

هبيتوا هبِّة أبطال
وكنتو بالساحات رجالْ
ولبِسْتو الكرامة شال
تا أرْبكتوا المحتلين

فتوا فيها وكنتو قدَّا
رديتوا الغاصب عن حدَّا
عزْمتنا فيكم منشدَّا
إنتو شعب الجبارين

صبرتوا عالضيم عقود
لكن ما خنتوا العهود
واللي بدماتو بيجود
عم يكتب مجد فلسطين
الف تحية لأطفال القدس وغزة
وفلسطين

محسن يوسف -لبنان