يا رايح
بقلم: حسين عبدالله جمعة
يا رايح… شو نفع الكلام
لما تروح وتفلّ…
وطيفك يصير أوهام،
يا رايح… الفراق مكتوب علينا،
وزنبق الدار والفلّ
يبكي ليالينا…
يا حلو، ع ديرتي إيش جابك؟
وحب وأمل تزرع فينا…
نغنّيلك يا عسل، يا حلو،
حبك دوم مدفّينا…
يا رايح… الفراق مكتوب علينا،
وزنبق الدار والفلّ
يبكي ليالينا…
يا هارب من حروف كلماتي،
وسهر ليالينا وأحلام…
ما بلومك، غنّت كناراتي،
الله معك… والسلام.
يا رايح… الفراق مكتوب علينا،
وزنبق الدار والفلّ
يبكي ليالينا…
حبيت فيك كلمة “فلّ”،
والشوق لمّا ينادينا…
شو بقول هلّق للكل،
وخبّرهن عن ماضينا…
يا رايح… الفراق مكتوب علينا،
وزنبق الدار والفلّ
يبكي ليالينا…
حسين عبدالله جمعة
سعدنايل لبنان
